DIEĐÁHUS – almmuhanfriija dálán
Okta stuorámus sámesogaid čoahkkana njealját geardde
Okta stuorámus sámesogaid, Guttormaid sohka, čoahkkana njealját geardde. Dán gease deaivvadeapmi lágiduvvo Kárášjoga Kulturviesus lávvardaga suoidnemánu 17. beaivve dii 13.00 rájes ovddos (Norgga áigi). Dalle fállojuvvojit buresboahtin káfet ja almmuhemiid váldigohtet vuostá.
Sohkasearvvi deaivvadeami progámmas lea jahkečoahkkin, ohcejohkalaš multidáiddar Niillas Holmberg guoimmuha iežas lávlagiin ja servvoštallan.
Dálá dieđuid mielde fuolkkit čoahkkanit Norggas, Suomas, Ruoŧas ja Duiskkas.
- Diehtit maid dál ahte fuolkkit gitta Kanadas servet mielde, muitala sohkasearvvi nubbinjođiheaddji Outi Paadar ilus.
Soga deaivvadeapmái vuordit sullii 200 oasálasti. Sohkasearvi čoahkkana juohke viđát jagi. Vuosttas geardde Guttormaid sohka čoahkkanii jagis 1995 Ohcejogas.
Ovdaalmmuhemiid váldit ain vuostá čujuhussii guttorm2010@gmail.com. Lassidieđuid čujuhusas http://guttormsohka.blogspot.com/
Ei kommentteja:
Lähetä kommentti