Sohkadeaivvadeapmi 17.07.2010 Kulturviesus Kárášjogas

04.06.2010

Sohkadeaivvadeapmi 17.07.2010 Kulturviesus Kárášjogas

Guttormaid IV sohkadeaivvadeapmi lágiduvvo Kulturviesus (kulturhus) lávvardaga 17.7.2010 Kárášjogas ja joatkit sotnabeaivve maid. Jurddašeimmet álggahit lávvardaga diibmu 13.00 áigge Norgga áiggis, diibmu 14.00 Suoma áiggis. Dárkkit prográmmas dieđihuvvon Facebook joavkku bokte. Ávžžuhit čuovvut dan.

Diehtit dál ahte fuolkkit gitta Kanadas leat boahtemin sohkadeaivvadeapmái. Bohttet dii maid ja váldde fárrui su, geas ii leat sáhttu. Riŋges vilbeliide ja oambeliide ja ávžžut singe boahtet.

Sihke oasálastinmávssu ja lahttomávssu sáhttá máksit deaivvadeami oktavuođas. Eat leat velá mearridan oasálastinmávssu, muhto ii dat leat nu olu. Ja Kárášjogas lea minibáŋku. Sáhtat máksit miellahttomávssuid Guttormaid sohkasearvvi konttuide Norggas ja Suomas (gč. dán báhpára vuolleravdii). Lahttomáksu 40 kr/5 euro, agibeai'lahttu 400 kr/50 euro. Lahttomávssuid sturrodat mearriduvvui 2005 sohkačoahkkimis Ohcejogas. Ii leat miige áigemeriid almmuhit, beare bohttet Kárášjohkii.

Ijastallanbáikkiid sáhttá gulaskuddat mis čujuhusas guttorm2010@gmail.com.

Dálá plánaid mielde várret boradeami sullii 150 olbmui, muhto ii daga maidige juos bohtet eanet olbmot. Ammal juo borramuša gávdnat. Juos almmuhat čujuhussii guttorm2010@gmail.com geat dis bohtet, sáhttit várret buorebut borramuša buohkaide.

Bivdit din maid smiehttat geat galget leat 2011-2015 áigodaga stivrras ja gos lágidit čuovvovaš sohkadeaivvadeami. Deaivvadeamit: I Guttorm Ohcejohka 1995, II Guttorm Kárášjohka 2000, III Guttorm Ohcejohka 2005 ja IV Guttorm Kárášjohka 2010.

GUTTORM sohkasearvvi oktavuođaolbmot:
- Ottar Guttorm, Kárášjohka/Karasjok +47 402 36 010
- Outi Paadar, Avvil/Ivalo +358 (0)40 5656 255
- Amund Peder Teigmo, Kárášjohka/Karasjok
- Väinö Guttorm, Ohcejohka/Utsjoki +358 (0)40 503 15 74
- Mari Erlandsen, Kárášjohka/Karasjok
- Jorma Keva, Turku/Åbo

Váldde oktavuođa: guttorm2010@gmail.com ja čuovo mielde FACEBOOK Guttorm sohka - slekt - suku facebook (vuođđuduvvon 25.6.2009). Rabas buohkaide ja sáhttá čuovvut ja lohkat vaikko ii leat miellahttu Facebook:s.

Sávvat ahte nu máŋgasat go vejolaš bohtet Kárášjohkii lávvardaga 17. beaivve ja leat olles vahkuloahpa Kárášjogas.

Buohkat leat váimmolačča bures boahtán!